Судијката Крстиќ: Досега нема одбиено барање за определување ПИ – мерки

Посебните истражни мерки секогаш резултирале со успешно спроведена истрага и судска разрешница во полза на правдата, открива во вечерашното гостување во емисијата „360 Степени“ на Алсат, судијката Сандра Крстиќ, од Кривичниот суд во Скопје. Како што вели таа, во судската пракса досега нема одбиено барање за определување на ПИ – мерки.

„Од досегашната судска пракса, од анализите коишто сме ги направиле, можевме да увидиме дека во судската пракса нема одбиено барање за определување на Посебна истражна мерка. Зошто е тоа така, претпоставувам дека сите постапки коишто биле поведени резултирале со успешно спроведена истрага, со подигање на обвинение и добивање на судска разрешница во полза на правдата“, вели судијката Крстиќ.