Свесноста и едукацијата за донирањето органи спасува човечки животи, вели др. Маја Мојсова Мијовска

Едукацијата и информираноста кај граѓаните е клучно за нивното разбирање и прифаќање на важноста од донирањето на органи за трансплантација, вели главна координаторка за трансплантација, др. Маја Мојсова Мијовска. Во нејзиното вечерашно гостување во емисијата „200“ на Алсат, таа сподели и неколку примери во кои поради ненадејна смрт на една личност било овозможено продолжение на друг човечки живот.

„Она, дека дел од нивниот близок живее во некој друг…познавам две семејства коишто се дружат. Тие што дарувале и тие што примиле. И тие се блиски. Таа близина веројатно ќе остане до крајот на животот“, вели др. Мојсова.