Тешка сообраќајка на патот Неготино – Демир Капија: Едно лице загина, три други се повредени

Едно лице загина, а три други се повредени во тешка сообраќајна несреќа што денеска се случила на патот Неготино – Демир Капија. Несреќата се случила кога возило со германски регистарски таблички излетало од патот.

Од Задравствениот дом Неготино во изјава за МИА потврдуваат дека во сообраќајката загинало едно лице. Еден од повредените е пренесен во болница во Велес, а другите двајца во болницата во Кавадарци.

Портпаролот на Секторот на внатрешни работи (СВР) Велес, Ристо Самарџиев, ги потврди информациите за сообраќајната несреќа, а повеќе детали најави во текот на денот.