Третиот бран на корона вирусот се смирува, досега вакцинирани 53.000 граѓани

Третиот бран на корона вирусот се смирува. Министерот за здравство Венко Филипче оцени дека ваквата состојба го докажува бројот на случаи на дневна основа. 798 пациенти во моментов се лекуваат во Ковид центрите ширум земјата, додека во инфективните одделенија бројот на пациенти е 1.368. Во меѓувреме има 570 слободни кревети.

Процесот на вакцинација и ревакцинација е во тек. Ден претходно беа доставени 10.000 дози вакцини Фајзер, додека 200.000 кинески вакцини се очекува да пристигнат на 30 април или 1 мај. Потоа бројот на вакцинации значително ќе се зголеми. Дневно ќе се имунизираат и до 7 илјади граѓани. Во моментов тој број изнесува околу илјада. Вкупниот број на вакцинирани граѓани досега е над 53 илјади, а над 203 илјади други чекаат ред.

Вјолца Алити