Црногорската Влада бара предлози од граѓаните за име и лого на новата национална авиокомпанија

Црногорскиот министер за финансии и социјална грижа Милојко Спајиќ ги повика граѓаните да предлоѓат име и лого за новата национална авиокомпанија што ќе се формира, по згаснувањето на „Монтенегро ерлајнс“ (МА) пред крајот на минатиот месец.

„Требаше брзо да реагираме за да заштедиме максимум од МА, но името, логото, дизајнот може да се променат и ги замолуваме сите што ја имаат оваа приказна во нивните срца да испратат предлози на: 2montenegro@gov.me“, напиша Спајиќ на Твитер.