ТЦ „Соравиа“ во рацете на семејството Ахмети

Семејството на првиот човек на ДУИ, Али Ахмети, го проширува бизнисот. По најавите дека синот на Ахмети, Шкумбини, влегува во бизнисот со струја, од неодамна неговиот внук Дрин Ахмети, како сопственик на фирмата „Тор индустри“ заедно со фирмата „Пе-вла-ку“ од Албанија, стануваат косопственици на Соравиа во центарот на Скопје. Трговскиот центар има над 15.500 квадратни метри. Ако просечната цена за квадрат е 2 илјади евра, тогаш цената на купопродажбата би изнесувала над 31 милион евра. Дрин Ахмети е син на Фекри, брат на лидерот на ДУИ, а во неговото деловно портфолио, иако има дваесетина години, веќе има 4 фирми.