УХМР најавува пообилни врнежи, локални грмежи и повремено силен ветер

Утре времето ќе биде променливо облачно со засилен, наместа повремено силен ветер од јужен правец, над 60 километри на час, информираат од УХМР.

Advertisements

Попладне под влијание на циклонска активност ќе има врнежи од дожд, најпрво во западните делови. Врнежите ќе продолжат во ноќните часови и во сабота, кога ќе бидат пообилни, на повеќе места над 30 литри на метар квадратен, а наместа ќе бидат поројни и проследени со грмежи.

Во недела ќе дува засилен јужен ветер, а локални врнежи се очекуваат попладне во западните делови.

Температурите ќе се задржат релативно високи.