Материјалната штета во хрватскиот град Петриње е огромна, пренесуваат локалните медиуми додавајќи дека сцените од центарот на градот се навистина драматични. Се стравува од поголем број на повредени лица.
На неколку места се започнати акции за извлекување на луѓе кои се затрупани во објектите, а во подрачјето се слушаат сирени на противпожарни возила и на брза помош.
“Ги повикуваме граѓаните да излезат на отворено, ако се во можност и да се оддалечат од зградите кои би можеле да се урат. Луѓето на повисоките катови да застанат кај носечките столбови”, соопшти полицијата.
Попладнево околу 12:20 часот Хрватска ја погоди силен земјотрес со јачина од 6,3 степени по Рихтер. Епицентарот е во градот Петриње на 45 килметри југоисточно од Загреб, на длабочина од 10 километри.
