Ван дер Белен за уставните промени: Искористете го моментумот

Ја разбирам фрустрацијата од предолгото траење на преговорите со ЕУ, но треба да се искористи актуелниот моментум, рече претседателот на Австрија, Александер ван дер Белен на заедничката прес конференција со претседателот Стево Пендаровски.

„Имам големо разбирање за фрустрацијата присутна во однос на времетраењето на преговорите со Унијата, но токму поради тоа е важно овој моментум, зајакнатиот интерес на ЕУ 27, да се искористи и да не се дозволи да се изгуби дополнително време. Австрија, во секој случај и понатаму ќе остане сигурен партнер на С Македонија“, рече ван дер Белен.