Важна е совеста на граѓаните, независно од мерките на владата, вели министерот Филипче

Не може да се чека само на одлуките на владата, а граѓаните да не покажат сопствена одговорност, рече денеска министерот за здравство, Венко Филипче во врска со рестриктивните мерките за коишто би се одлучувало следниот период.

„Луѓето коишто не се придржуваат кон мерките или не водат сметка за сопственото здравје се изложени на ризик. Не може секогаш владата да донесе тешки или лесни мерки, или нешто помеѓу, а граѓаните да не се вклучат самите, со своите постапки и со сопствена одговорност. Тоа е суштината“, рече Филипче.