Велигденскиот празник ги испразни речиси сите градови
Велигденскиот празник ги испразни речиси сите градови
Поради продолжениот викенд за празникот Велигден, граѓаните заминаа во соседните земји, што
предизвика огромни гужва и долги колони на граничните премини Табановце и Богородица
минатиот четврток попладне.
Граничниот премин Богородица со Грција, според податоците на АМСМ бил најфреквентен
деновиве, со време на чекање за излез од зенјата околу 40 минути. На граничниот премин
Табановце времето на чекање за влез и за излез од државата беше до 30 минути.
Според податоците на Министерството за внатрешни работи, вчера и утринава на граничниот
премин Табановце имаме зголемен проток на наши државјани кои ја напуштаат државата.
„На граничниот премин Табановце од вчера до денес 10:00 часот во исто време влегле 4.203
државјани на земјава, а излегле 6.935. Што се однесува до странските државјани, кај нас влегле
3.766 додека од нашата држава излегле 5.984″, велат од Министерство за внатрешни работи.
Покрај нашите државјани кои патувале во соседните земји, зголемен е и бројот на странски
државјани кои влегуваат во земјава на граничниот премин Богородица.
„На граничниот премин Богородица од вчера до денес 10:00 часот во исто време, од нашата
држава влегле 2.898, а излегле 1.680. Што се однесува до странските државјани, кај нас влегле
5.272, а од државата излегле 2.181„, велат од Министерство за внатрешни работи.
Министерството за внатрешни работи апелира до граѓаните да не возат над дозволената брзина,
да не возат во алкохолизирана состојба и да ги почитуваат сообраќајните правила. Оттаму
додаваат дека се ставени во функција сите човечки и технички капацитети за да се забрза
протокот на патници на граничните точки./Алсат.мк
Авни Тахири
