(ВИДЕО) Ниски температури и снег во Јужна Африка предизвикаа несреќи и прекини во електричната енергија

Силен студен бран што деновиве ја зафати Јужна Африка донесе обилни снежни врнежи што доведоа до затворање на патишта, прекини на електричната енергија и сообраќајни несреќи во кои загинаа пет лица, соопштија денес локалните власти.

Advertisements

Јужноафриканската метеоролошка служба ги предупреди граѓаните кон крајот на минатата недела дека оваа недела ќе се случи голем пад на температурите низ целата земја, придружен со обилни дождови, штетни ветрови и снег, објави Ројтерс.

Јужноафриканската Република редовно доживува снежни врнежи во текот на зимските месеци од јуни до август, при што температурите паѓаат под нулата, а метеоролошката служба прогнозира дека студениот фронт се очекува да трае до средината на неделата.