Кошаркарите на Голден Стејт славеа во драмата против Феникс (113-112) и тоа со тројка на Стефен Кери во последната секунда. Плејмејкерот на Вориорси ја презеде одговорноста на себе на неколку секунди до крајот, доби топка од аут и одлично се снајде да го исфрли чуварот. Тогаш, уште еднаш покажа зошто е веројатно најдобриот тројкаш во историјата на НБА, па погоди лесно од девет метри за 113-112. До крајот остана 0,7 секунди, Санси имаа тајм-аут и топка од страна, но не и време за изненадување и победа. Девон Букер финишира како најдобар поентер со 32 поени, додека Кери уфрли 30.
STEPH CURRY.
BANG 🔥🔥🔥 pic.twitter.com/Nj3Li4l12R
— ESPN (@espn) February 11, 2024
Далас убедливо ја совлада Оклахома со 146-111 во „Американ Еирлајнс Центарот“ во Тексас. Мавси одиграа моќен меч предводени од Лука Дончиќ кој уфрли 32 поени, подели девет асистенции и фати осум скока. Домаќинот успеа да го задржи одличниот Шеј Гилџус Александер на „само“ 25 поени и тоа ги доведе до победата.
На останатите терени Клиперси славеа против Детроит, Бруклин го совлада Сан Антонио, Шарлот беше подобар од Мемфис, Орландо по продолжение го доби Чикаго, Филаделфија триумфира во Вашингтон, Атланта се радува со Хјустон, Индијана слави во Њујорк, Кливленд беше убедлив во Торонто и Њу Орлеанс победи во Портланд.
РЕЗУЛТАТИ:
Далас – Оклахома 146-111
ЛА Клиперс – Детроит 112-106
Бруклин – Сан Антонио 123-103
Шарлот – Мемфис 115-106
Орландо – Чикаго 114-108
Вашингтон – Филаделфија 113-119
Атланта – Хјустон 122-113
Њујорк – Индијана 111-125
Торонто – Кливленд 95-119
Портланд – Њу Орлеанс 84-93
Г. Стејт – Феникс 113-112.
