(ВИДЕО) Се урна зграда во Каиро, најмалку 10 загинати
Најмалку десет лица загинаа, а осум се повредени при уривање на зграда во главниот град на Египет, Каиро, објавија државните медиуми.
На местото на настанот во работничката населба Кердаса во Гиза биле испратени возила на брза помош. Таму тимовите за цивилна заштита трагаат по исчезнатите под урнатините, пишува весникот „Ал Ахбар ал Јум“.
10 وفيات نتيجة انهيار مبنى سكني في مدينة كرداسة بمحافظة الجيزة المصرية#الجزيرة_مباشر #مصر pic.twitter.com/mIUTPlWclu
— الجزيرة مباشر (@ajmubasher) February 17, 2025
Очевидци за весникот изјавија дека уривањето на зградата било предизвикано од експлозија на плинска боца и дека истрагата на полицијата е во тек.
Градежните прописи нерамномерно се применуваат и се спроведуваат во Каиро, каде што живеат повеќе од 26 милиони жители.
Во изминатите години египетската метропола беше сведок на неколку фатални уривања на згради, во некои случаи поради дотраената состојба на некои од нив, а во други поради непочитување на градежните прописи.
