Владата ќе подготви нов план за надминување на разликите со Софија

Иако Португалија не дава приоритет на проширувањето на Европската Унија за време на нејзиното претседателство, министерот за надворешни работи Бујар Османи е оптимист дека на првите самити на ЕУ, земјава ќе може да ги отвори преговорите. Османи додаде дека очекува Германија да ја продолжи својата обврска и за време на претседателството на Португалија со ЕУ, така што, откако нашата земја ќе постигне договор со Бугарија, да може да ја одржи својата прва меѓувладина седница.

„… Според првичните контакти што ги имаме со португалското претседателство, постои сериозна намера португалското претседателство да се обврзе да продолжи од таму каде што Германија стигна пред да го напушти претседателството, и штом се најде решение за разликите, да се одржи првата меѓувладина конференција, соодветно да се одобри рамката за преговори“, рече министерот Османи.

Османи додаде дека земјава наскоро ќе испрати дипломат во Португалија, со цел да биде во постојана комуникација со португалските власти. Но, активностите ќе продолжат и со другите претставници на ЕУ и со Бугарија.

„Очекувам состанок со министерката Захариева, за два формални предлога, надвор од потребата за комуникација за надминување на разликите. Првата е потребата да се одржи првата меѓувладина конференција што треба да се одржи во првите месеци од годинава, втората е Поканата за оваа трилатерална иницијатива со цел да се стави во функција „Иницијатива 8“, за која очекувам состанок во Скопје на тројцата министри за надворешни работи, доколку одговорот биде позитивен за мојата иницијатива“, додаде Османи.

Османи изјави дека со премиерот и другите претставници на Владата ќе разговараат за насоката и чекорите што треба да се преземат за надминување на спорот со Бугарија. Османи денеска ја претстави новата иницијатива „Преспа форум дијалог“, за како што рече, промовирање на трите договори, како што е охридскиот, преспанскиот и договорот со Бугарија.

Мефаил Исмаили