Владата оптимист за отстранување на пречката за отворање на преговорите меѓу Скопје и Брисел

Премиерот Зоран Заев се надева дека во јуни земјава ќе може да ја одржи својата прва меѓувладина седница со ЕУ. Заев вели дека Бугарија мора да докаже дека е рационална и мора да се најде решение во името на двата народа и на новите генерации.

Министерот за надворешни работи Бујар Османи најави интензивирање на средбите меѓу претставниците на Бугарија и Македонија.

„Веќе контактирав со мојот колега, министерот за надворешни работи Стоев, премиерот Заев разговараше со неговиот колега, што значи дека започнавме комуникација на сите фронтови. Очекувам дека во следните неколку дена да има средби меѓу нас, за да можеме да ги искористиме овие две недели преостанати пред почетокот на разговорите во јуни”, рече Османи.

Пред два дена, за време на заедничката прослава на Денот на Свети Кирил и Методиј, бугарскиот претседател Румен Радев изјави дека нема потреба од меѓународни посредници во спорот Скопје – Софија и дека може да се дојде до решение преку конструктивен дијалог меѓу двете земји. Следната средба меѓу властите на Македонија и Бугарија се очекува следната недела помеѓу премиерите Зоран Заев и Стефан Јанев, на граничната област каде што на земјата ќе и бидат доставени 50.000 вакцини против ковид 19.

Мефаил Исмаили