Измените на законот за аудио и аудиовизуелни медиумски услуги денеска на дневен ред во Собрание

Измени на законот за аудио и аудиовизуелни медиумски услуги денеска е ставен на дневен ред во Собранието на 91 седница. Со измените на законот се предвидува повторно да се дозволи владини пари преку видео реклами да влезат во приватни медиуми. Станува збор за реклами кои ќе бидат дел од кампањи за „јавно добро“.

„Содржи исклучиво информативно-едукативни пораки и е насочена кон голем број луѓе во одреден временски период за да се обидат да генерираат специфични резултати или да постигнат предодредени цели, при што на јавноста ќе ѝ се обезбедат потребните информации за причината на самата кампања од јавен интерес“, се вели во предлог измените на законот.

Новинарските здруженија како ЗНМ, ССНМ и МИМ неколку пати јавно се изјаснија против ваквиот начин на финансирање на приватните медиуми кој беше пракса до 2018 година.