ВМРО: Директори земаат плата од над 4000 евра
Oпозициската партија ВМРО ДПМНЕ денеска соопшти дека директори во некои јавни претпријатија земаат плата за еден месец колку што просечен граѓанин заработува за нецели две години. Како пример го посочија претседателот на Управниот одбор и извршен директор во М-НАВ, Фахрудин Хамиди, кој има месечни примања од 345 илјади денари и членот на Управниот одбор и извршен директор во М-НАВ, Владо Крстевски со плата од 266 илјади денари..Оваа афера ВМРО ДПМНЕ ја нарече „Паразити“.
„За овие функционери од власта нема криза, се додека е СДС на власт, и се додека истото тоа СДС зема кредити и се задолжува буџетот, ќе може да им се исплаќаат плати и пари кои што поголемиот дел од народот нема никогаш во живот да ги заработи“, рече Ивица Томовски – член на Централен комитет на ВМРО-ДПМНЕ.
