ВМРО-ДПМНЕ и ВЛЕН ги започнаа средбите за постигнување на договорот за коалиција
Работните групи меѓу ВМРО-ДПМНЕ и ВЛЕН ги започнаа средбите за постигнување на договорот за совладеење. Првата средба се одржа во седиштето на ВМРО-ДПМНЕ, каде што коалицијата ВЛЕН ја претставуваше тимот во кој сите партии делегираа луѓе. Преговарачкиот тим на ВЛЕН го сочинуваат: Азир Алиу, Висар Ганиу, Аднан Азизи и Башким Муртези. Во меѓувреме, ВМРО-ДПМНЕ во преговорите ја претставуваат Александар Николовски, Владо Мисајловски, Гордана Димитриевска и Тимчо Муцунски.
Детали за побарувачката и понудата нема, но она што во неофицијални околности се зборува е дека страните си ги анализирале програмите и сега се очекува преговорите да се префрлат на конкретно ниво. Ниту ВЛЕН, ниту ВМРО-ДПМНЕ на Христијан Мицкоски не посочуваат дали разговорите се дојдени до фаза на поделба на ресорите или дури и конкретни имиња за тоа кој ќе ги води. Од двете страни велат дека се уште е рано да се дојде до поделба на ресорите и распоредување на кадри и дека навреме ќе бидеме известени за евентуалниот договор.
„Методологијата на работа и нејзината динамика се денешни теми… верувам дека ќе има нешто конкретно од следната средба“, рече Азир Алиу, ВЛЕН.
На лидерско ниво минатиот викенд во канцелариите на коалицијата ВЛЕН на плоштадот Скендербег во Скопје почнаа принципиелните преговори за ново мнозинство. Покрај ВЛЕН, Мицкоски во текот на неделата оствари средби и со предизборните коалициски партнери, додека не се знае дали ги продолжил преговорите за новото мнозинство со други субјекти или не. Во моментов нема информации дали партијата ЗНАМ на Максим Димитриевски е во плановите на Мицкоски или не. Немало никакви преговори и разговори, барем на официјален начин, ниту со ДУИ, за што Мицкоски изјави дека е време да се оди во опозиција.
Преговорите за новата Влада се водат во време кога Управниот суд ги разгледува приговорите на Европскиот фронт за одлуките на ДИК за прегласување на 7 избирачки места во 5-та и 6-та ИЕ. Рокот за одлучување по жалби поднесени до Управен е 48 часа. Судот треба да одлучи дали ќе има прегласување во Желино, Струга, Охрид, Крушево и Долнен или не.
Адриан Керими
