Во Авганистан најмалку 50 лица загинаа во новите поплави

Најмалку 50 луѓе загинаа во нови силни дождови и поплави во централен Авганистан.

Advertisements

Засега нема прецизни информации колку лица се повредени во поплавите предизвикани од дождот што почна во петокот и предизвика прекин на сообраќајот на многу патишта во провинцијата Гор.

Во оваа област, 2.000 куќи беа целосно уништени, 4.000 беа оштетени, а повеќе од 2.000 продавници беа под вода во Фероз-Кох, главниот град на покраината.

Минатата недела поројните поплави предизвикани од обилните дождови опустошија села во северен Авганистан, при што загинаа 315 луѓе, а повеќе од 1.600 беа повредени, соопштија властите.

Авганистан често е изложен на природни катастрофи, а Обединетите нации ја сметаат за една од земјите најранливи на климатските промени.