Од понеделник Словенија ќе дозволи гостите во рестораните и баровите, кои се вакцинирани или имаат негативен резултат од тест не постар од 48 часа, да може да се служат и во затворени простории, а големите хотели ќе можат да примаат гости во половина од своите сместувачки капацитети.
Овие мерки се дел од напорите за заживување на туристичката индустрија во Словенија, но сите други ограничувања остануваат на сила.
Упатен е апел до Владата на Словенија за дополнително укинување на рестриктивните мерки за туристичкиот сектор, имајќи предвид дека епидемиолошката состојба се подобрува.
