Во Собранието е усвоена Резолуцијата за црвените линии на Македонија во преговорите со Бугарија

Се усвои резолуцијата предложена од ВМРО ДПМНЕ за определување на државните позиции по блокадите на европската интеграција.

Поради оспорување на терминот „македонски“ од партиите на Албанците, насловот на резолуцијата беше променет и овој дел беше ставен во поднасловот. СДСМ предложи амандман за утврдување на Уставното име, но тој не беше поддржан од македонската опозициска партија. Партиите на Албанците, кои едногласно ја поддржаа резолуцијата, нагласија дека мотивот за поддршка произлегува од чувството да се биде дискриминиран во употребата на мајчиниот јазик. Пратениците од опозицијата од редовите на Албанците ги потсетија своите македонски колеги на потребата да се отстранат „20 проценти“ од Уставот.

„Ние ги разбираме вашите маки и вашите страдања. Затоа, ве замолуваме и вие да ја разберете нашата мака. Би очекувал од лидерот на СДСМ и на ВМРО ДПМНЕ да побараат уставни измени, со што ќе се отстрани оваа срамна неправда кон Албанците со процентот“.

Резолуцијата беше предложена во Собранието како резултат на барањето на опозицијата која побара од премиерот Зоран Заев да и каже на јавноста дали за македонскиот јазик и идентитет се разговарало со Бугарија или не. Во 2019 година, Бугарија усвои таква резолуција веднаш по договорот за добрососедство потпишан меѓу Македонија и Бугарија.

Adrian Kerimi