Во текот на оваа година се очекува да бидат вакцинирани 1,2 милиони жители во земјата
Здравствените власти сè уште не знаат колку дози на вакцина против Ковид-19 ќе пристигнат први во земјата, а се чекаат од три места. Некои се нарачани да се купат, а некои им се ветени како донации. Министерот за здравство Венко Филипче зборува само за приближниот период кога се очекува да пристигнат првите контингенти во земјите од Западен Балкан. Дури и преку механизмот Ковакс беше потврдено дека првата нарачка на анти-ковидни вакцини ќе пристигне кон крајот на јануари или почетокот на февруари. Министерот Филипче рече дека во текот на 2021 година властите планираат да постигнат колективен имунитет против Ковид-19 преку вакцинација на 1 милион и 200 илјади граѓани во земјата.
„Преку три механизми со по 800 илјади дози за 400 илјади граѓани, што значи 1 милион 200 илјади граѓани, што претставува околу 60 проценти од населението. Ова се актуелните предвидувања за постигнување колективен имунитет. 833 илјади дози преку механизмот Ковакс, 800 илјади дози преку директен договор со Фајзер и уште 800 илјади други дози за кои веќе аплициравме и добивме поддршка од Канцеларијата на Европската унија, за што ќе има финансиска помош-грант од ЕУ, што ќе да бидат обезбедени од процентот на земјите на ЕУ“.
Извештаите од Министерството за здравство покажуваат дека во моментов во сите болнички инфективни оддели и ковид центри во земјата се хоспитализирани 818 пациенти, додека на располагање има уште околу 400 легла.
Во меѓувреме, во последните 24 часа, поради компликации предизвикани од вирусот корона, на болничко лекување во Скопје беа хоспитализирани 18 пациенти. Во другите градови, опаднале бројките на хоспитализирани лица.
Министерство за здравство
Во Куманово 71 пациент
о Прилеп 55 пациенти
Во Охрид 50 пациенти
Во Струмица и Штип по 45 пациенти
Во Струга и Битола по 30 пациенти
Во Велес 29 пациенти
Во Кавадарци 22 пациенти
Во Тетово и Гостивар по 19 пациенти
Во Кочани 18 пациенти
Во Кичево 12 пациенти
Во Гевгелија и Дебар по10 пациенти
Бројките покажуваат дека во првите осум дена од годината бројот на излекувани е три пати поголем од оној на заразените. Од над 85.500 заразени од почетокот на пандемијата, моментално над 16.700 се активни случаи. Починале повеќе од 2.580 пациенти, а бројот на излекувани пациенти достигнал бројка од над 66.200 пациенти.
Аднан Ќаили
