Вонредни инспекции и контроли на угостителските објекти во многу општини во земјата
Вонредни инспекции и контроли на угостителските објекти во многу општини во земјата
Со строги контроли и вонредна инспекција на гастрономските објекти, инспекторите на многу општини излегоа на терен.
Инспекторите на Општина Центар, во соработка со полицијата од полициската станица „Беко“и за време на викендот ги проверуваа еден по еден сите угостителски објекти.
Досега се изречени и парични казни за тие кои не ги исполниле условите, а каде е констатирано дека недостасуваат хидранти или противпожарни апарати, веднаш ги известиле инспекторите од Дирекцијата за заштита и спасување.
„И инспекторот за згради, исто така, доби инструкции од седиштето дека и тој треба да изврши вонредни проверки на колективно домување каде што ќе се провери дали хидрантите се функционални, дали имаат противпожарни апарати, план за евакуација, сè што е од областа на законот за домување“, рече Мирослав Богдановски – Раководител на Одделение за инспекција на Општина Центар.
Освен Општина Центар, која има засилени контроли на угостителските објекти, и во Општините Аеродром, Карпош и во некои други општини инспекторите се на терен и проверуваат дали имаат противпожарна опрема.
Пред неколку дена Владата донесе одлука со која го задолжи Државниот пазарен инспекторат да врши вонреден инспекциски надзор на угостителските објекти, вклучувајќи ги кабареата, ноќните клубови, дискотеките и дискотеките на отворено, низ целата земја./Алсат.мк
Авни Тахири
