Времето денеска: Претпладне сончево, попладне со дожд и ветер

Времето денеска ќе биде променливо облачно со сончеви периоди. Во прогнозата на Управата за хидрометеоролошки работи (УХМР) се вели дека во попладневните и во вечерните часови во западните делови ќе има повремен локален дожд, а ќе дува и умерен, а наместа вдолж Повардарието повремено засилен ветер од јужен правец. Утринската температура ќе биде од 1 до 10 Целзиусови степени, а во текот на денот од 18 до 27 степени.

Advertisements

Во Скопје, времето денеска, ќе биде променливо облачно со сончеви периоди. Во текот на денот ќе дува умерен ветер од југоисточен правец кој во делови од котлината ќе биде повремено засилен. Температурата во Скопје ќе биде до 27 степени.