Времето денеска: Сончево со температури до 38 степени

Времето денеска ќе биде сончево со максимални температури до 38 степени, информираат од Управата за хидрометеоролошки работи (УХМР). Во попладневните часови се очекува да има изолирана појава на пороен дожд и грмежи. Минималната температура ќе биде во интервал од 12 до 19 степени, а максималната ќе достигне од 30 до 38 степени.

„Во Скопје ќе биде сончево и топло со мала умерена облачност. Минималната температура ќе се спушти до 17, а максималната ќе достигне до 37 степени“, велат од УХМР.