Вучиќ: Во Србија нема да се случи „македонско сценарио“
Српскиот претседател Александар Вучиќ и се обрати на јавноста по денешниот безбедносен самит со претставници на африканските земји.
„Јасно ви е колку е важен овој самит за нас. Африка е најбрзо растечки континент. Ние негуваме традиционално пријателство кон африканските народи, тука нема расизам“, рече Вучиќ.
Вучиќ изјави дека видел видеа од Грузија, каде 7-годишно дете пука во полицијата.
„Кој го објави, каде се неговите родители? Прво го објавија западните медиуми, оние кои ги поддржуваат демонстрациите во Грузија, а потоа и Телеграм каналите. Зошто некој се фали со учество на 7-годишно момче. Мислите дека е генијално што ги обоија бехатон плочите што нема да можат да се исчистат. Најдете снимки од 2016 година, точно e истото сценарио во Северна Македонија. Токму на ист начин го бојадисаа и главниот плоштад во Скопје. Шефот и спонзорот секогаш беа исти, а жртви беа народите над кои правеа обоени револуции. Тоа нема да се случи во Србија, бидете сигурни“, изјави Вучиќ.
