Задолжителната онлајн настава поради пандемијата продолжува да ги загрижува учениците од основните и средни училишта

Задолжителната онлајн настава поради пандемијата продолжува да ги загрижува учениците од основните и средни училишта. На меѓународниот ден на децата, тие го кренаа својот глас за квалитетот на образованието, за средства за работа и за подобра училишна инфраструктура. Учениците ги потсетија властите дека финансиската состојба не смее да биде услов за еднакво образование.

„Недоволно знаење за користење на платформата и алатките за онлајн учење генерално доведува до губење на интерес за учење кај учениците, губење на желбата за работа и за учениците и за наставниците и за развој на поголема пасивност кај учениците.“

Учениците исто така предлагаат дополнителна обука и квалификации за професори и преиспитување на материјалите, како и систематски здравствени прегледи секоја година, бидејќи пандемијата значително влијаеше на менталното здравје на децата.

 „Несомнено, време е да се обновиме, бидејќи ако денес направиме тест без најава на целата територија на нашата земја, за кој било предмет, ќе видиме дека непотребните факти што ни беа презентирани ни одзедоа многу време, и од нив не научивме ништо“.

Министерката за образование Мила Царовска рече дека ваквите барања можат да се решат само со волшебно стапче. Во реалноста, за истите да се решат треба време и работа.

Во оваа прилика, учениците исто така побараа екологијата да се вклучи што е можно повеќе во основното и средното образование. Како што рекоа, младите речиси и да немаат познавање на еколошки теми и климатските промени.

Melihate Rustemi