Заев: Европа е „кабаетлија“, ни должи многу!

Европа е кабаетлија и ни должи, рече денеска премиерот Зоран Заев во одговор на новинарско прашање. Како што кажа тој, земјава чека 16 години и упати молба за поддршка на нашите евроинтеграции до властите во Бугарија. Испорачавме сѐ, навистина заслужуваме, порача Заев.

„Јас едно ќе кажам, Европа е кабаетлија и ни должи. Ни должи многу. Европа е и Бугарија и Грција и сите други членки. 16 и пол години направивме како чекаме пред вратите на ЕУ. 2001 година, веднаш по Словенија потпишавме договор за стабилизација и асоцијација. Пред Хрватска. А, Хрватска слави 8 години членство во ЕУ. Што и да е, многу е. Испорачавме сѐ, нема дилеми и навистина заслужуваме. Јас ја испраќам пораката за замолница за поддршка од Бугарија кон Северна Македонија“, рече Заев.