Заев: „Не треба одложување ниту на пописот, ниту на изборите“
Премиерот Зоран Заев е дециден дека пописот и локалните избори ќе се одржат навреме. И покрај недостигот на попишувачи во моментов, Заев вели дека по барањето на ВМРО, пописот бил одложен еднаш, додека сега постои добра волја и од власта и од опозицијата пописот да биде успешен. Тој апелира до слободните граѓани и институции да помогнат да се најде доволен број попишувачи.
Во врска со одлуката да не се прават измени во Изборниот законик, Заев за блокадата ја обвинува опозицијата, односно партијата Левица. Но, вели дека барањата на опозицијата за отпечатоци на прсти и повеќето препораки на ОБСЕ/ОДИХР се направени со измени на законот. Тој се надева дека за препораките што не беа усвоени во Собранието, соодветните институции ќе можат да одлучат во форма на прописи.
Првиот круг на локалните избори пак е закажан за 17 октомври. Партиите имаат рок до 11 септември да ги поднесат своите кандидатури, додека предизборната кампања започнува на 27 септември. Завршува на 15 октомври.
Mefail Ismaili
