Заев: Законот за дигитални учебници се дополнува, не е повлечен

Премиерот Зоран Заев денеска рече дека Владата нема да се повлече од идејата за дигитализација на учебниците, туку дека законот е времено повлечен од собраниска процедура бидејќи ребало да се дополнат одредени делови.

„Повлекувањето на Законот за дигитални книги не значи повлекување од целта, тоа значи спроведување на додавање на одреден дополнителен елемент“, рече Заев, додавајќи дека идејата за дигитализација на книгите ќе се развива постепено, односно, секоја наредна учебна година ќе се применува кај погорните класови.