Здравствениот дом во Куманово ризикува да остане без лекари и возачи на брза помош
Две години ја координира вакцинацијата во Куманово и Липково. Но поради немање решение за работа, Валдрин Мифтари од понеделник ризикува да ја загуби работата во Здравствениот дом во Куманово. По овој разочарувачки момент, Мифтари не ја исклучува можноста да ја напушти државата.
Валдрин Мифтари, координатор за вакцинација “Отсекогаш се надевав дека еден ден тоа ќе се случи, но нема ништо. И јас, како и сите други, размислувам да заминам. Имаме плата, но немаме многу други бенефиции како работен стаж и здравствено осигурување“.
Анета Трајковска 13 години има статус на вработена со договор на дело, но од понеделник треба да биде подготвена за најлошото.
Здравствениот дом во Куманово е во опасност да остане без лекари, административен персонал, возачи на брза помош и возачи за екипи за домашна посета. На барањата за вработување на 36 вработени како неопходен кадар на оваа институција не било одговорено од Министерството за здравство. Директорот Фарук Алили вели дека состојбата во Установата што ја раководи ќе се влоши уште повеќе бидејќи дел од персоналот од следната година заминува во пензија.
“Веќе две години немаме ниту позитивен ниту негативен одговори зошто не се дава согласност за овие работници кои се тука со години. Покрај нив има администрација без која не функционира здравствениот дом. Нашиот персонал е пред пензионирање. Дел замина во пензија, дел се очекува следната година. Доколку не се дадат согласности за возачите, ќе имаме пречка затоа што нема да има кој да им служи на граѓаните за нивните потреби“, изјави Фарук Алили, директор на З.Д Куманово
Од Министерството за здравство велат дека согласноста поминала кај нив, но одлуките ја кочи Министерството за финансии.
Визарт- Министерство за здравство “Министерството за здравство дало согласност за 36 вработени за кои е побарана согласност од Здравствениот дом во Куманово, но како што дознаваме Министерството за финансии дало согласност за само 13 од нив“.
Од финансии не одговорија зошто одбиваат да дадат согласност согласности кога вработените во Здравствениот дом во Куманово веќе се системирани, има слободни работни места и одреден буџет за нив. /Алсат.мк
Адриан Керими
.
