Земјоделците блокираа неколку гранични премини меѓу Белгија и Холандија, соопштија во петок (2 февруари) белгискиот и холандскиот транспортен центар, додека продолжуваат протестите поради даноците, зголемените трошоци, евтиниот увоз и бирократијата.
Граничниот премин во правец на Антверпен, вториот по големина град во Белгија и дом на второто по големина пристаниште во Европа, е еден од блокираните премини, објави мрежата Х.
Локалните медиуми објавија дека протестите започнале доцна во четвртокот навечер на белгиска страна, по што се приклучиле и некои холандски фармери. Земјоделците на западот на Белгија веќе неколку дена го блокираат влезот или излезот на камионите од пристаништето Зибриж, кое е дел од пристаништето Антверпен-Бриж. Фламанската телевизија ВРТ објави дека речиси 2000 камиони биле блокирани таму.
Незадоволните земјоделци протестираат и во други европски земји, како Германија, Полска, Грција, Португалија и Романија.
