Жителите на Визбег протестираа барајќи да се обезбеди превоз за учениците до училиште

Од почетокот на учебната година, децата од Визбегово кои посетуваат настава во училишта од различни општини се принудени да пешачат до 5 километри во отсуство на организиран превоз. Револтирани од ваквата ситуација жителите ја блокираа раскрсницата меѓу булевар „Словенија“ и „Босна и Херцеговина“ околу еден час.

 „Нашите деца патуваат од 4 до 5 километри до училиштата. Со што патуваат? Со што можат. Повеќе пеш, некој што може да си дозволи плаќа превоз и ги испраќа со приватен автомобил, но повеќето одат пеш.

 Јас лично сум родител на четири деца кои учат во основното училиште „7 март“. Овие 9 години моите деца беа загрозени од кучиња скитници. Патувајќи пеш од автобуската станица до куќата, патот е неосветлен. Децата на цело Визбегово доаѓаа во услови на снег и дожд, станува збор за 1400 ученици“.

Жителите инсистираат протестите да се одржуваат секој ден додека не се реши проблемот со превозот и да се започне со изградба на новото училиште во Визбегово.

За жал, немаме ниту училиште ниту транспорт, пред пандемијата имаше транспорт. Секој ден ќе протестираме додека не се реши проблемот со транспортот, а како услов ќе поставиме да започнат со изградбата на училиштето.

 „За нас, судбината на нашите деца е повредна од сe друго во животот. Поради оваа, вие, почитувани раководители на општините, не ни оставивте друг пат освен протестот и ве предупредуваме дека сме решени да ги продолжиме протестите“.

Учениците од Визбегово со години се соочуваат со недостаток на основно училиште со настава на албански јазик. Околу илјада ученици од оваа населба се принудени да ја следат наставата во основните училишта во општините Чаир, Бутел и Шуто Оризари.

Melihate Rustemi