193 gjoba për shkelje të rregullave të trafikut në Shkup

Ministria për Punë të Brendshme njofton se gjatë 24 orëve të fundit vetëm në territorin e Shkupit janë shqiptuar gjithsejtë 193 gjoba, prej të cilave: 64 për tejkalim të shpejtësisë, 17 për ngasje të makinës pa patentë shoferi, 12 për ngasje të makinës në gjendje të dehur, shkruan Alsat.

Sipas njoftimit të MPB-së janë shqiptuar dhe 10 gjoba për vozitësit e motoçikletave, 6 për mosdhënien përparësi këmbësorëve, 16 gjoba iu shqiptuan këmbësorëve dhe 10 gjoba të tjera për përdorim të telefonit gjatë vozitjes. /Alsat.mk