22 palestinezë kanë humbur jetën në sulmet izraelite ndaj Rripit të Gazës

Të paktën 22 palestinezë kanë humbur jetën në sulmet e ushtrisë izraelite ndaj Rripit të Gazës.

Në Rripin e Gazës me një popullsi prej rreth 2,3 milionë banorësh, po përjetohet një katastrofë e madhe humanitare për shkak të pengesës për hyrjen e ndihmave humanitare dhe si pasojë e vazhdimit të sulmeve nga ushtria izraelite duke shënjestruar vendbanimet civile, spitalet, shkollat ​​dhe strehimoret e palestinezëve të zhvendosur që nga 7 tetori 2023.

Në sulmet e Izraelit në Rripin e Gazës që nga 7 tetori e deri më tani, u vranë mbi 34 mijë palestinezë, përfshirë të paktën 14 685 fëmijë.  Ndërsa njoftohet se, nën rrënoja ka ende mijëra të vdekur.