60 për qind e njerëzve nuk marrin mjaftueshëm nga këto vitamina
Mungesa e vitaminës mund të shkaktojë një sërë simptomash, duke përfshirë lodhjen, nervozizmin dhe ndryshimet në flokë dhe lëkurë.
Komplikimet mund të jenë edhe më të rrezikshme, duke çuar në humbje të shikimit ose kujtesës, rrahje të shpejtë të zemrës dhe ndryshime në sjellje.
Sipas një studimi të ri, 60 për qind e popullsisë së botës ka mungesë të katër vitaminave kryesore.
Sipas gjetjeve të studimit, më shumë se pesë miliardë njerëz në mbarë botën (68 për qind e popullsisë) nuk konsumojnë mjaftueshëm jod dhe gratë janë më të prirura ndaj mungesës sesa burrat.
Sipas studimit, jodi është “thelbësor për gratë shtatzëna dhe ato që ushqejnë fëmijën me gji për shkak të rolit të tij në zhvillimin kognitiv të fetusit dhe fëmijës”, raporton Best Life.
Mungesa tjetër më e zakonshme e vitaminës është vitamina E. Sipas gjetjeve të studimit, 67 për qind e popullsisë së botës nuk ka mjaftueshëm nga ky mikronutrient.
Përveç vetive antioksiduese, vitamina E është e rëndësishme për shikimin, riprodhimin dhe shëndetin e gjakut, trurit dhe lëkurës, sipas klinikës Mayo.
Përafërsisht 66 për qind e popullsisë ka mungesë të mikronutrientit të nevojshëm për kocka të forta: kalciumit.
Pabarazia ishte më e madhe në vendet në Azinë Jugore, Afrikën Sub-Sahariane, Azinë Lindore dhe Paqësorin, vunë në dukje autorët e studimit. Ishte veçanërisht e lartë tek njerëzit e moshës 10 deri në 30 vjeç.
E fundit në këtë listë është vitamina C dhe 53 për qind e popullsisë nuk e konsumon mjaftueshëm këtë vitaminë.
Sipas klinikës Mayo, vitamina C (e njohur edhe si acidi askorbik) është e nevojshme për formimin e enëve të gjakut, kërcit, muskujve dhe kolagjenit në kocka. Ashtu si vitamina E, ajo është gjithashtu një antioksidant dhe ndihmon në procesin e shërimit të trupit tuaj.
