865 të infektuar me koronavirus dhe 10 viktima në 24 orët e fundit
865 raste të reja me COVID-19 në 24 orët e fundit. Gjithsej 359 persona e kanë fituar betejën me virusin Korona, ndërsa në 24 orët e fundit 10 persona kanë ndërruar jetë. Janë kryer gjithsej 2 449 teste.
Rastet e reja janë regjistruar në Shkup-397, Kumanovë-22, Dibër-2, Shtip-34, Prilep-29, Tetovë-95, Strugë-7, Veles-44, Manastir-31, Ohër-21, Kavadar-26, Gostivar-30, Gjevgjeli- 4, Strumicë-37, Kriva Pallankë-5, Radovish-6, Koçani-17, Probishtip-7, Demir Hisar-2, Makedonski Brod-1, Berovë-4, Vinicë-6, Delçevë-6, Kratovë-4, Shën Nikollë-4, Kërçovë-15, Resnje-5, Negotinë-4.
Prej gjithsej 10 viktimave, katër janë nga Shkupi, të moshës 67, 58, 64 dhe 76 vjeçe, dy nga Prilepi të moshës 70 dhe 73 vjeçe, një viktimë nga Manastiri (52), një nga Ohri (77), një nga Koçani (48) dhe një viktimë nga Probishtipi, në moshë (76). Të gjithë pacientët kanë ndërruar jetë në kushte spitalore.
Që nga fillimi i pandemisë në vendin tonë gjithsej me Covid-19 janë diagnostikuar 32436 persona, prej të cilëve 21090 janë shëruar, ndërsa 1004 kanë humbur betejën me koronavirusin e ri. Për momentin vendi regjistron 10342 raste aktive me Covid-19.
