Francë, frenim i lehtë në tregjet europiane të aksioneve

Treguesit ekonomikë të tregjeve europiane pësuan sot një frenim të lehtë, në mes të një situate hutuese për shkak të përfundimit të negociatave për planin e rimëkëmbjes ekonomike në SHBA.

Në bursat kryesore europiane, Londra ra me -0,06%, Parisi me -0,27%, kurse Frankfurti shënoi një rritje tjetër me +0,17%.

Në anën tjetër të Atlantikut, homologët e tyre reaguan më me entuziazëm.

Wall Street rifitoi pikë menjëherë pas mbylljes së tregjeve europiane të aksioneve, me Dow Jones dhe Nasdaq që fituan pak më shumë se 1,50%, pas një rënieje të ndjeshme të martën.

Të martën, Donald Trump përfundoi negociatat me demokratët mbi një plan stimulues për ekonominë më të madhe në botë, përpara se të linte një derë të hapur për disa masa të synuara.