Ramos pa kontratë, aktivizohen 2 klube evropiane
Mediat në Spanjë, raportojnë se tratativat mes Realit të Madridit për rinovimin e Serhio Ramos, kanë ngecur dhe situata është serioze. Nga ana e Los Blancos madje ende nuk ka shkuar asnjë ofertë në drejtim të mbrojtësit.
Në këtë pikë, është e lehtë të imagjinohet se Serhio Ramos po shikon përreth për të mos u gjendur i papërgatitur në kërkim të një sistemimi për të ardhmen. Janë dy klubet që kanë lëvizur që tani duke nisur kontaktet me stafin që menaxhon mbrojtësin, Juventusi dhe Paris Sent Zhermeni.
“Bardhezinjtë” madje i kanë bërë edhe një ofertë lojtarit, edhe pse bëhet fjalë për një operacion shumë të kushtueshëm, nëse merr në konsideratë se Serhio Ramos aktualisht ka një pagë prej 12 milionë eurosh në vit.
