Bertolini: Nëse konstatohen mashtrime, fondet për projektet e diskutueshme do të tërhiqen

Nëse ka ndonjë parregullsi ose keqmenaxhim të fondeve, ajo do të dalë në sipërfaqe dhe fondet e alokuara për projekte specifike do të tërhiqen, tha në paraqitjen e sotme të ftuar në emisionin “200” në Alsat, Nikola Bertolini, shefi i departamentit të bashkëpunimit në Delegacionin e BE-së, në Shkup.

I pyetur për të komentuar mbi konstatimet e fundit të mashtrimit dhe abuzimit në programin Erasmus Plus, nga Agjencia Kombëtare për Programet Evropiane të Arsimit në Maqedoni, Bertolini tha:

“Ne jemi të vetëdijshëm për akuzat e tilla dhe po hetojmë. Mund të them vetëm se nëse ka pasur diçka të gabuar, fondet do të tërhiqen,” tha Bertolini.