Arrestohet një person, dërgohet në burg për vuajtje të dënimit

Dje, në ora 18:25 në rajonin e Kisella Vodës, zyrtarë policorë nga Ekipi Operativ Kërkimor i SPB-Shkup kanë privuar nga liria 45 vjeçarin K.Xh. nga Shkupi, njoftoi MPB.

Sipas MPB-së, ndaj personit në fjalë është lëshuar fletarrestim qendror me kërkesë të Gjykatës Themelore Penale-Shkup, për vuajtje të dënimit me burgim prej dy vitesh.

“Personi do të dërgohet në burg për të vuajtur dënimin”, njoftojnë nga Ministria për punë të Brendshme.