Tri vetura shpërthejnë në Stamboll

Tri vetura raportohet se kanë shpërthyer në Stamboll.

Mediat turke kanë raportuar se tri vetura kanë shpërthyer në lagjen Fatih të Stambollit në Turqi, por që për momentin nuk po konsiderohet si ndonjë sulm terrorist si ditë më parë kur një bombë shpërtheu në “Istiklal Caddesi”.

Flakët e dala nga zjarri që nisi në një veturë janë përhapur në automjetet e tjera të parkuara.

Zjarrfikësit kanë shuar zjarrin duke ndërhyrë në flakët që kanë dalë nga automjetet në rrugën Kocamustafa Pasa.

Aktualisht nuk raportohet për ndonjë të lënduar apo të vdekur, por vetëm për dëme materiale.

Ditë më parë ka shpërthyer një bombë në afërsi të sheshit Taksim duke shkaktuar gjashtë viktima dhe mbi 80 të lënduar.

Kujtojmë se policia turke arrestoi një grua, Ahlam Albashir, e dyshuar për vendosjen e bombës në rrugën Istiklal të Stambollit.

Albashir u regjistrua nga 1200 kamera dhe policia gjurmoi lëvizjet e saj nëpër rrugën e ngarkuar për tregti.

Ministri turk i Drejtësisë, Bekir Bozdag tha se gruaja ishte ulur në një stol në rrugë për më shumë se 40 minuta dhe se shpërthimi ndodhi vetëm pak minuta pasi ajo u ngrit në këmbë.