Leao afër marrëveshjes me Milanin, shpalosen detajet

Sipas “Gazzetta dello Sport”, ylli portugez, Rafael Leao, është gati t’i bashkohet klubit kuqezi për 5 vite të tjera, aq sa tashmë ka një marrëveshje verbale mes palëve.

Detajet për kontratën e re tashmë janë përcaktuar në “Casa Milan”, por që gjithçka të konkretizohet me një ‘autograf’ të çmuar, lojtari duhet fillimisht të zgjidhë situatën e tij në pritje me Sportingun. Siç dihet, Leao u largua nga klubi portugez si lojtar i lirë në vitin 2018 për t’u transferuar te Nice, gjë që bëri që klubi i Lisbonës të marrë masa ligjore.

Aksioni ligjor përfundoi me vendimin e Gjykatës Portugeze të Arbitrazhit Sportiv për të rënë dakord me Sportingun, duke e dënuar lojtarin me dëmshpërblim që, përfshirë interesat dhe kostot ligjore, shkon rreth 22 milionë euro. Ky dënim u konfirmua në apel, me Gjykatën e Milanos, e cila më pas vendosi se sulmuesit do t’i ndalohej 20% e pagës mujore për të zgjidhur mosmarrëveshjen në pritje me klubin e tij të vjetër (i cili, megjithatë, apeloi në UEFA për të të paktën 45 milionë euro, ose vlerën e klauzolës së lirimit që ishte përfshirë në kontratën e lojtarit).

Palët e përfshira po punojnë për të gjetur një zgjidhje që funksionon për të gjithë dhe, nga ky këndvështrim, optimizmi mbretëron te kuqezinjtë. Ndërkohë, tashmë është hedhur një hap i rëndësishëm: marrëveshja mes Milanit dhe Leaos (kontrata e të cilit me 1.5 milionë euro në vit skadon në vitin 2024) u gjet mbi bazën e një kontrate 5-vjeçare me vlerë 7 milionë euro neto, plus bonuse, shto 2 milionë të tjera për rinovimin.

Numërimi mbrapsht tani ka filluar dhe pritja sa vjen e rritet që gjithçka të firmoset. Falë Dekretit të Rritjes, paga bruto do të jetë rreth 9 milionë euro në vit, një shifër që është çdo gjë tjetër veçse e ‘e pamundur’ për një nga lojtarët më vendimtarë në nivel europian.