Turqi, përfundon karantina e fundjavës
Turqia përfundoi shtetrrethimin mbarëkombëtar të fundjavës të hënën herët, e cila kishte për qëllim të ndihmojë në ndalimin e përhapjes së koronavirusit, raporton agjencia Anadolu Agency.
Shtetrrethimi filloi të premten në ora 21:00 dhe përfundoi të hënën në 5:00 të mëngjesit sipas kohës lokale.
Presidenti Regjep Tajip Erdogan më 30 nëntor njoftoi kufizime të reja të koronavirusit, duke përfshirë orën policore në netët e javës dhe mbylljen e plotë gjatë fundjavës.
Disa sektorë, përfshirë prodhimin, furnizimin, shëndetësinë dhe bujqësia përjashtohen nga ndalesa e lëvizjes, tha Erdogan.
Supermarketet, dyqanet ushqimore, kasapët dhe dyqanet e frutave funksionuan midis orës 10:00 dhe 17:00 në fundjavë.
Furrat e bukës gjithashtu ishin të hapura gjatë orarit të ndalimit të fundjavës.
Restorantet, ndërkohë, ofruan shërbimin shpërndarjes së porosive midis orës 10:00 dhe 20:00 të shtunën dhe të dielën.
Njoftimi erdhi pas rritjes së numrit të rasteve me COVID-19 në Turqi.
Ndalesat do të vazhdojnë derisa të merret një vendim i ri.
Të dielën, Turqia raportoi 26.919 infeksione të tjera me COVID-19, duke përfshirë 5.103 pacientë simptomatikë dhe 218 vdekje të tjera gjatë 24 orëve të fundit.
