YouTube ka filluar të bllokojë njerëzit që bllokojnë reklamat

Shumë prej nesh kanë bllokuar reklamat në YouTube prej vitesh dhe dyshojmë se dikush e di se ne po e parandalojmë platformën të fitojë para nga ne. Pas prezantimit të abonimit në YouTube Premium, ishte vetëm çështje kohe para se kompania të vendoste të pengonte dhe tani ka hedhur hapin e parë.

Edhe pse platforma nuk ka njoftuar asgjë, nga vende të ndryshme të botës po vijnë raportime se YouTube ka vendosur masa për t’i detyruar njerëzit të shikojnë reklamat që u janë servirur. Sipas një imazhi të postuar nga një përdorues i Reddit, YouTube tani po bllokon bllokuesit e reklamave duke i kufizuar në vetëm tre video.

Paralajmërimi i shfaqur thotë se përdoruesit i kërkohet të çaktivizojë bllokimin e reklamave në këtë platformë ose të çaktivizojë plotësisht bllokuesin. YouTube kujton se reklamat lejojnë që kjo platformë të mbetet falas për miliarda përdorues dhe nëse përdoruesi nuk dëshiron të shohë reklama, ai gjithmonë mund të paguajë për një abonim në YouTube Premium.

Për fat të mirë, ky paralajmërim nuk është ende i përhapur, por prek vetëm një numër të vogël përdoruesish. Kur u pyet për koment, YouTube i tha faqes BleepingComputer se ishte “një eksperiment i vogël global që fton shikuesit të lejojnë reklama ose të provojnë YouTube Premium”.