Mesi ndihmon kolegun e skuadrës për gjejtjen e biletave?!

Lionel Mesi tashmë po bën përshtypje të mira brenda skuadrës së Inter Majami pasi ka ndihmuar një bashkëlojtar me bileta shtesë për të parë prezantimin e të shumëpritur te klubi nga Mayor League Soccer (MLS). Muajin e kaluar, u konfirmua se Messi do të nënshkruante për skuadrën e MLS, Inter Majami, pas skadimit të kontratës së tij me Paris Sen Zhermenin.

Të dielën, shtatë herë fituesi i Topit të Artë u prezantuar zyrtarisht para një turme të mbushur plot në stadiumin DRV PNK në Fort Lauderdale.

Ngjarja ishte aq e madhe saqë edhe lojtari i Inter Majamit, Leonardo Kampanja nuk mundi të merrte bileta të mjaftueshme, por më pas hyri Messi. Sipas mbrojtësit të Inter Majamit, DeAndre Jedlin, Messi u shfaq çuditërisht në bisedën e grupit të lojtarëve në ËhatssApp për të shpëtuar ditën e tyre.

“Ngjarja e madhe që ai pati të dielën, Kampanja po kërkonte bileta dhe shkroi në grup, ‘Hej, a ka dikush ndonjë biletë?, dhe atëherë as që e dija që Leo ishte në grup apo në bisedën në grupit”.

“Por, ai u shfaq menjëherë dhe tha, ‘Sa ju duhen?’”.

“Vetëm për të treguar atë bujari, ky është një shembull i parë i shkëlqyer se si është ai”, ka zbuluar Jedlin.

Gjatë prezantimit të tij, Messi ishte i sigurt që do të kalonte mirë te klubi i ri.

“Jam i sigurt se do të kemi shumë përvoja të mrekullueshme. Jam shumë i prekur që jam këtu në Miami, për të qenë me ju. Dua t’ju falënderoj të gjithëve, në emër të familjes sime, për mirësinë që më keni dhënë”, ka thënë Messi.