Çavi: Dembele largohet, nuk e konkurojmë dot ofertën e PSZH-së

Ousmane Dembele pritet të jetë i larguari i radhës nga Barcelona dhe do të rikthehet në Ligue 1. Paris Sen Zhermeni e ka paguar klauzolën e lojtarit prej 50 milionë eurove dhe tanimë të gjithë janë në pritje të zyrtarizimit të tij. Edhe trajneri i Barcelonës, Çavi Hernandez ka folur pas fitores ndaj Milanit 0-1 për të ardhmen e Dembeles, duke potencuar se francezi ka kërkuar largimin drejt PSZH-së

“Do të jem i qartë, Dembele na ka kërkuar të largohet. Ai na tha se ka një propozim nga PSZH, se e kanë thirrur prej andej dhe ka qenë shumë i drejtpërdrejtë, është një vendim personal dhe nuk mund të bëjmë asgjë. Më dhemb shumë, sepse jemi kujdesur shumë për të, kështu që se ai ishte i lumtur dhe vazhdoi të bënte diferencën, por ai e ka këtë propozim, ka thënë se dëshiron të largohet dhe prandaj nuk ka luajtur”, tha Çavi.

Tutje trajneri ka thënë se Barcelona nuk ka mundësi të konkurrojë me ofertën e PSZH-së dhe për këtë nuk kanë se çfarë të bëjnë.

“Është ligji i tregut, ne nuk mund të konkurrojmë me këtë propozim, është jashtë mundësive tona dhe i uroj atij gjithë fatin në botë, sepse ai na ka dhënë shumë, të paktën kur kam qenë trajner. Jam pak i zhgënjyer, po, por ai na tha se tashmë ka folur me Luis Enriken dhe me Naser Al-Khelaïfi dhe nuk kishte asnjë mënyrë për ta bindur atë, ne u përpoqëm, por vendimi u mor. E pashë ai ishte aq i lumtur që nuk ishte, unë e prisja atë”, përfundoi trajneri katalunas.