Shqipëri, 580 raste të reja me koronavirus dhe 11 të vdekur

Nga 2 615 testime të kryera në Shqipëri gjatë ditës së sotme janë konfirmuar 580 raste pozitivë me koronavirus. Ministria e Shëndetësisë në Shqipëri njofton se në 24 orët e fundit edhe 11 qytetarë të tjerë e kanë humbur betejën me virusin.  Gjithmonë sipas ministrisë, numri i të shtruarve në spitale vijon të jetë i qëndrueshëm. Aktualisht në 4 spitalet COVID në Shqipëri, po trajtohen 382 pacientë, 35 në terapi intensive nga të cilët 13 pacientë janë të intubuar.