Një kompani amerikane kërkon persona që do të shikojnë 25 filma Krishtlindjesh në 25 ditë dhe do të paguhen me një shumë marramendëse

Filmat e Krishtlindjeve janë ndoshta pjesa ime e preferuar e kësaj periudhe të vitit. Është një ndjenjë vërtet e veçantë kur përkulemi nën një batanije, marrim një pije të nxehtë dhe ushqime të lehta dhe shikojmë titujt e njohur të filmave të festave me të dashurit tanë.

Jemi aq rehat me këtë situatë sa nuk do të na shkonte kurrë në mendje se mund të paguheshim për të. E pikërisht një shpallje të tillë pune e ka publikuar kompania CableTV.com, e cila fatlumëve të përzgjedhur u ofron 2500 dollarë ose 2334 euro për të parë 25 filma për Krishtlindje në 25 ditë.

Përveç kësaj, të zgjedhurit do të marrin gjithashtu një abonim një vjeçar në shtatë shërbime transmetimi – Netflix, Hulu, Disney+, Amazon Prime, Max, Apple TV+ dhe Hallmark Movies Now.

Pozicioni quhet “Chief of Cheer” dhe pasi të shikoni titujt e përzgjedhur do t’ju kërkohet t’i vlerësoni ato. Përmbajtja, ndjenja e përgjithshme e pushimeve dhe niveli i nostalgjisë janë kriteret kryesore që shikuesit profesionistë të filmit duhet të kenë parasysh kur të gjykojnë.

Drejtori i marketingut Gareth Briggs thotë se ata janë të kënaqur që shohin traditën e tyre të gjallërohet dhe do të donin t’u tregonin shikuesve se puna e ëndrrave ekziston vërtet. Tradita filloi gjatë pandemisë me qëllim që, të paktën shkurtimisht, t’u ofrohen njerëzve pushime më të lumtura dhe të bëjnë të paktën një ndryshim të vogël në një botë ku shumë njerëz po punojnë shumë për të arritur një ekzistencë bazë.

Për të qenë kandidat, duhet të jesh 18 vjeç dhe të kesh një adresë në SHBA, si dhe të kesh një lloj obsesioni me dritat e Krishtlindjeve dhe filmat e Krishtlindjeve, gjë që ka tronditur të gjithë evropianët.